नेकपा एमालेले १० औं राष्ट्रिय महाधिवेशनमा नेतृत्व चयनका लागि विद्युतीय मतदान मेसिन प्रयोग गर्ने भएको छ ।
शुक्रबार बसेको स्थायी कमिटी बैठकले नेतृत्व चयनका लागि विद्युतीय मतदान मेसिन प्रयोग गर्ने निर्णय गरेको सचिव प्रदीप ज्ञवालीले जानकारी दिए । एमालेले १० औं राष्ट्रिय महाधिवेशनको प्रतिनिधि चयनको मापदण्ड तय गर्न कात्तिक ११ गते स्थायी कमिटीको बैठक र कात्तिक १२ गते केन्द्रीय कमिटी बोलाएको छ ।
एमाले केन्द्रीय कमिटी बैठक कात्तिक १२ गते बस्ने निर्णय
नेकपा एमाले स्थायी कमिटी बैठकले कात्तिक १२ गते केन्द्रीय कमिटी बैठक बोलाउने निर्णय गरेको छ । तुलसीलाल स्मृति प्रतिष्ठान च्यासलमा शुक्रवार बसेको स्थायी कमिटी बैठकले केन्द्रीय कमिटी बोलाउने निर्णय गरेको हो । केन्द्रीय कमिटी बैठकमा दशौं राष्ट्रिय महाधिवेशनबारे छलफल हुने एजेण्डा रहेको नेकपा एमालेले जनाएको छ ।
प्रतिक्रिया दिनुहोस