बाराको जीतपुरसिमरा उपमहानगरपालिका वडा नम्बर ७ जीतपुरको बस कांउन्टर नजिकै रहेको नेपाल बैंकको खालि जग्गामा फोहोर बढ्दै गएको छ । फोहोर बढे पछि बस कांउटर आसपासका बासिन्दा र व्यापारीहरुलाई दुर्गन्धका कारण समस्या खेप्नु परेको छ ।
दुर्गन्ध बढेको कारण बस कांउन्टरमा आउने यात्रुहरुलाई सम्मेत समस्या हुने गरेको बस कांउन्टरका कर्मचारी मनोज गुप्ताले गुनासो गर्नु भएको छ । गुप्ताका अनुसार नेपाल बैंकको जग्गा खालि भएको कारण उक्त जग्गामा मानिसहरु फोहोर फाल्ने गरेका छन्। बैंकले आफ्नो जग्गालाई तारबार गरि घेर्यो भने दुर्गन्धको समस्या समाधान हुने उनको भनाई छ ।
जीतपुरको मेन रोडबाट बैंकको जग्गा टांसिएको कारण रोडमा आवत जावत गर्ने सर्वसाधारणलाई समेत दुर्गन्धका कारण समस्या हुने गरेको छ । जीतपुरका व्यापारीले बैंकलाई आफ्नो जग्गामा तरबार गर्न अनुरोध गरे पनि बैंकले भने बेवास्ता गर्दै आएको छ ।
प्रतिक्रिया दिनुहोस