बारा ।बारा जिल्लाको कोल्हवी नगरपालिकाले कृषि विद्युत महसुलमा ५० प्रतिशत अनुदान दिने भएको छ । नगरपालिकाले मंगलबार एक सूचना जारी गर्दै विद्युत महसुलमा अनुदान दिने जनाएको हो ।
नगरपालिकाको अनुसार पालिकाभित्रका कृषकले गत वर्षको श्रावणदेखि बैशाख महिनासम्म बुझाएको कृषि विद्युत महशुलमा ५० प्रतिशत अनुदान दिन लागेको हो । अनुदान रकम उपलब्ध गराउन आवेदकसाग माग गरिएको जनाइएको छ ।
आवश्यक कागजातसहित आवेदन दिन सक्ने नगरपालिकाले जनाएको छ । जेठ २ गते प्रकाशित भएको सूचनामा जेठ ९ गते सम्म आवेदकहरुले आबेदन दिन सक्ने उल्लेख गरिएको छ । कोल्हवी नगरपालिकाको स्थानीयहरू बढी खेति पाटीमा निर्भर भएकोले नगरपालिकाले कृषि विद्युत महसुलमा ५० प्रतिशत अनुदान दिने भए पछि किसानहरु खुशी भएको छ ।
प्रतिक्रिया दिनुहोस