१६१ पाठक संख्या जीतपुर :जीतपुरसिमरा उपमहानगरपालिका ३ स्थित रामवनमा प्रहरी चौकीको लागि पर्खालको शिलान्याश गरिएको छ । पर्खाल निर्माण समितिले सोमबार आयोजना गरेको शिलान्याश कार्यक्रममा जीतपुरसिमरा उपमहानगरपालिका वडा न ३ को वडाध्यक्ष तारा बहादुर कार्कीले शिलान्याश गरेको हो ।
रामवनटाडीमा रहेको अस्थायी प्रहरी चौकी संग जग्गा कम रहेको र बाटो बिस्तार हुदाँ कार्यालयको लागि जग्गा अपुग भए पछि वडा अध्यक्ष तारा बहादुर कार्कीको पहलमा नवराज पौडेलले प्रहरी चौकी निर्माणको लागि ४ कठा जग्गा उपलब्ध गराएको वडा सदस्य चिम बहादुर पाख्रिनले बताए ।
२०८०/८१ को बजेट बाट वडा न ३ ले रामवन टाडीमा प्रहरी चौकीको लागि जग्गा दाता बाट प्राप्त जग्गा संरक्षण गर्ने उदेश्यले पर्खाल निर्माणको लागि ३ लाख बजेट बिनियोजन गरेको हो ।गणतन्त्र दिवशको अवसर पारेर वडा अध्यक्ष तारा बहादुर कार्कीले स्थानीय र वडा सदस्यको रोहवरमा प्रहरी चौकीको लागि पर्खालो शिलान्याश गरेका हुन् ।
शिलान्याश पछि बोल्दै वडा अध्यक्ष कार्कीले यस बर्षमा वडा संग कम बजेट भएको कारण वडाको तर्फ बाट अहिले पर्खाल निर्माणको लागि ३ लाख बजेट बिनियोजन गरिएको र आगामी आर्थिक बर्षमा भवन निर्माणको लागि वडाले बजेट बिनियोजन गर्ने बताए ।उक्त शिलान्याश कार्यक्रममा वडा सदस्य चिम बहादुर पाख्रिन, उपभोक्ता समितिको अध्यक्ष दिपक तमाङ्ग,,मिक्मोर दोङ्ग,सागर तमाङ्ग,पिंके तमाङ्ग र खडक बहादुर खत्रुई लगाएत स्थानियाहरुको उपस्थिति रहेको थियो ।
यसैबीच
जीतपुरसिमरा उपमहानगरपालिकाको वडा न ३ रामवन टाडीमै बिगत लामो बर्ष देखि अतिक्रमित गरेर राखेको १५ कठा सार्वजनिक जग्गा खालि गराएको ठाउँमा पनि वडा अध्यक्ष तारा बहादुर कार्कीले तार र जाली लगाउनको लागि शिलान्याश गर्नु भएको छ ।वडा अध्यक्ष कार्कीले अहिले ५ लाख बजेट बिनियोजन गरेर भूमाफियाको चंगुल बाट बचाएको जग्गामा तारवार गरिने बताएको छ ।
प्रतिक्रिया दिनुहोस