अखिलेश कुमार यादव २०८० आश्विन ४, बिहिबार (७ महिना अघि)
८७ पाठक संख्या बारा – बाराको जितपुरसिमरा उपमहानगरपालिका स्थित दुधौरा खोलामा दिनमै नदीबाट अवैध वालुवा उत्खनन गरिएको पाईएको छ ।जितपुर सिमरा उपमहानगरपालिका-१४ स्थित दुधौरा खोलाबाट दिनमै अबैध रुपमा बालुवा उत्खनन गरिरहेको ४ वटा ट्र्याक्टर प्रहरीले नियन्त्रणमा लिएको बाराका प्रहरी प्रवक्ता एवं डिएसपी दधिराम न्यौपानेले बताउनु भयो ।
खोलामा बालुवा लोड गरिरहेको अवस्थामा प्रहरीले ना.६.त.४७६६, ना.७.त.१७२३, ना ७ त ३९१८ र ना ४ त ५७५९ नम्बरको ट्र्याक्टर नियन्त्रणमा लिइएको डिएसपी दधिराम न्यौपानेले जानकारी दिनु भयो । नियन्त्रणमा लिइएको ट्र्याक्टरलाई आवश्यक कारवाहीको लागि इलाका प्रहरी कार्यालय, निजगढमा राखिएको छ ।पछिल्लो क्रममा बारामा अबैध रुपमा बालुवा उत्खनन गरिरहेको पाए पनि स्थानीय तहहरुले खासै केहि पहल गर्न नसकेको स्थानीयहरुले आरोप समेत लगाएको छ ।
प्रतिक्रिया दिनुहोस