२४२ पाठक संख्या बिरगंज : पर्सा बाट प्रहरीले १ थान कटुवा पेस्तोल सहित २ जनालाई पक्राउ गरेको छ ।प्रहरीले पर्साको बहुदरमाई नगरपालिका-९ बाट कटुवा पेस्तोल सहित २ जनालाई पक्राउ गरेको छ । पक्राउ पर्नेहरूमा कालिकामाई गाउँपालिका-९ कटिबलुवा बस्ने ४४ वर्षीय दिपेन्द्र गिरी र पोखरिया नगरपालिका-९ बैरियाबिर्ता बस्ने ३७ वर्षीय शिवपुजन मुखिया रहेका छन् ।
जिल्ला प्रहरी कार्यालय पर्साबाट खटिएको प्रहरीले ना.१२ प ४९७१ नम्बरको मोटरसाइकललाई जाँच गर्ने क्रममा मोटरसाइकलमा सवार उनीहरूलाई उक्त पेस्तोलसहित पक्राउ गरेको हो । पक्राउ परेका दुवै जनालाई नियन्त्रणमा लिएर ठप्प अनुसन्धान भईरहेको पर्साका प्रहरी प्रवक्ता कुमार बिक्रम थापाले बताउनु भयो ।
प्रतिक्रिया दिनुहोस