AP Khabar२०७६ बैशाख १९, बिहिबार (५ साल अघि)
२५८ पाठक संख्या बैशाख १९ बाजुरा, बाजुराको हिमाली गाउँपालिकामा केही दिन यता फैलिएको अज्ञात रोगका कारण दुई महिलाको मृत्यु भएको छ । हिमाली गाउँपालिका वडा नम्बर ५ क्युडीकी ४० वर्षीया सञ्चकला बुढाको बुधबार दिउँसो ज्यान गएको कुरा हिमाली गाउँपालिकाका स्वास्थ्य इञ्चार्ज धर्मबहादुर बुढाले बताए ।
त्यसैगरी त्यसै गाउँपालिका नदापाटाकी ७५ वर्षीया हैकला भण्डारीको सोमबार दिउँसो ज्यान गएको रुगिनका स्थानीय बासिन्दा छप्की बुढथापाले जानकारी दिए । क्युडीमा सामान्य रुघाखोकीको प्रकोप देखिएकोले अहेब धनबहादुर फडेराको नेतृत्वमा आजै क्युडितिर स्वास्थयकर्मीको टोली पठाइसकेको रुगिन स्वास्थ्य चौकीकी अनमी प्रेमकला मल्लले बताएकी छन् ।
प्राप्तजानकारी अनुसार सोही गाउँमा एक साता देखि फैलिएको रोगबाट दर्जनौ मानिस बिरामी परेका बताइएको छ । स्थानीय वासिन्दाका अनुसार सामन्य टाउको दुख्ने ज्वरो आउने बिरामी थला पर्ने र नाखमुखबाट रगत निकाल्ने जस्ता लक्षण देखापरेका छन् ।
प्रतिक्रिया दिनुहोस