पेट्रोलमा प्रतिलिटर एक रुपैयाँ घट्यो

AP Khabar२०७६ जेष्ठ २२, बुधबार (४ साल अघि) ३२६ पाठक संख्या

२०७६ जेठ २२

आयल निगमले प्रतिलिटर पेट्रोलमा एक रुपैयाँ घटाएको छ । अन्तर्राष्ट्रिय बजारमा मूल्य घटेको जनाउँदै निगमले बुधबार राति १२ बजेदेखि लागू हुनेगरी मूल्य घटाएको हो ।

‘भारतीय आयल निगम(आईओसी)ले पठाएको नयाँ मूल्य सूची अनुसार पेट्रोलमा १ रुपैयाँ घटेको छ,’ निगमका उपनिर्देशक विनितमणि उपाध्यायले भने,‘नयाँ मूल्य बुधवार राति १२ बजेदेखि लागू हुनेछ ।’

नयाँ मूल्य समायोजन पश्चात् पेट्रोलको खुद्रा बिक्री मूल्य १ सय १० रुपैयाँ कायम गरिएको निगमले जनाएको छ । निगमले डिजेल/मट्टितेल, हवाई इन्धन, खाना पकाउने एलपी ग्यासको मूल्य भने यथावत् राखेको छ ।