AP Khabar२०७५ माघ २६, शनिबार (५ साल अघि)
४२३ पाठक संख्या एपी संवादाता
कलैया, माघ २६ : नारायणी सिंचाई व्यवस्थापन कार्यालय बिरगंज, पर्सा अन्तर्गत पर्ने बलंक नं ७ का केही ब्यक्तिहरुले आपसी मिलोमतोमा फर्जी उपभोक्ता निर्वाचन कमिटी गरेकोमा स्थानिय कृषकहरु आक्रोशित भएका छन् ।
बिश्रामपुर गाउँपालिका वडा नं. ४ टोल ईटियाहीमा बस्ने रामानन्द साह कानुले ब्लक नं. ७ को कृषक तथा नारायणी सिंचाई व्यवस्थापन कार्यालयलाई कुनै किसिमको लिखित, मौखित जानकारी नगराईकन आफु संयोजक हुनलाई मनपरी तरिकाले पाँच सदसीय फर्जी निर्वाचन उपभोक्ता कमिटी गठन गरेक थिए । त्यस बिरोद्धमा ब्लक नंं.सात अन्तर्गत परवानीपुर गाउँपालिका वार्ड नं ५ बहुअरीका स्थानीयकृषकहरु आक्रोसित भएका हुन् ।
यस गलत कार्यका लागि नारायणी सिंचाई व्यवस्थापन कार्यालय बिरगंज, पर्सामा लिखित रुपमा माघ २३ गते उजुरी गरेका थिए । सो ५ सद्सीय फर्जी निर्वाचन कमिटीमा ३ जना कृषक नै नभएको स्थानीहरुले आरोप लगाएका छन् ।
सोही गाउँपालिका वडा अध्यक्ष रामेश्वर प्रसाद गुप्ता, वडा सदस्य महेश साह, परवानीपुर गाउँपालिकाका मनोनीत सदस्य संजु साह, कृषक राजकिशोर गुप्ता, प्रमोद सिंह लगायत ११ जनाले उजुरी दिएका थिए ।
सो उजुरीको सम्बन्धमा नारायणी सिंचाई व्यवस्थापन कार्यालय बिरगंज, पर्साका कार्यालय प्रमुख राजेन्द्र प्रसाद साहसंग बुभ्दा निजलाई कुनै किसिमको लिखित या मौखिक जानकारी नभएको,र कार्यालको चं नं. २०७५।०७६।१५७ को ब्लंक नं. ७ मा गठन भएको फर्जी निर्वाचन उपभोक्ता कमिटीलाई जानकारीको लागी पत्र समेत काटी सकेको तथा विधान बिपरित गठन गरेको कमिटीलाई कुनै पनि हालतमा मान्यता नदिने जानकारी गराउनुभएको छ ।
प्रतिक्रिया दिनुहोस