वीरगन्ज । कोरोनाले ठूलो संक्रमण फैलाईरहेको बीरगञ्ज महानगरमा थप ४५ जना संक्रमित भएका छन् ।
ती ४५ मध्य महानगरपालिकाका मेयर विजयकुमार सरावगीको ५२ वर्षीया श्रीमती र २६ वर्षीया छोरीमा कोरोना संक्रमण पुष्टी भएको छ ।
वीरगन्जका मेयर बिजय सरावगीलाई संक्रमण पुष्टी भएपछि उनको परिवारका सदस्यहरुको पीसीआर परीक्षण गर्दा उनीहरु संक्रमित भएको पुष्टी भएको हो ।
नारायणी अस्पताल वीरगंजको पीसीआर ल्याबले शनिवार मध्यरातमा सर्वजनिक गरेको रिपोर्ट अनुसार ५ वर्षकी बालिकादेखि ६२ वर्ष उमेर समूहका वृद्ध कोरोना संक्रमित भएका छन् ।
संक्रमितमध्ये वीरगंज ड्राइपोर्ट ५ जना पुरुष, वीरगंज ४ विर्ताका कन्ट्याक्ट् ट्रेसिङमा परेका १४ जना, वीरगंज ११ राधेमाइका १८ जना, वीरगंज १३ चिनी मिलका ४ जना, वीरगंज ३ छपकैया वडा न ४ भगवती टोल, वडा नं २२ मनियारी, ठोरी ३ निर्मलवस्ती, सखुवा प्रसौनीका १ , १ गरी कूल ४५ जना संक्रमित थपिएको नारायणी अस्पतालले जनाएको छ ।
प्रतिक्रिया दिनुहोस