दुइ डाक्टर गरि थप ७० जनामा काेराेना भाइरस संक्रमण देखिएकाे छ ।वीरगञ्ज स्थित नारायणी अस्पतालकाे प्रयोगशालामा साेमबार राति गरिएको पीसीआर परिक्षण गर्दा २२ जना महिला र ४८ जना पुरुष गरि ७० जनामा संक्रमण पुष्टि भएको छ ।
संक्रमण पुष्टि हुनेमा पर्साका ६५ जना र बाराका ५ जनासहित ७० जना रहेकाे नारायणी अस्पतालका प्रमुख मेडिकल सुपरिडेन्टेन्ट डा. मदन उपाध्यायले जानकारी दिए। उनकाे अनुसार संक्रमित हुनेहरुमा ५ वर्षीय बालकदेखि ८६ वर्षीय वृद्धासम्म रहेका छन्।
संक्रमित हुनेमा वडा प्रहरी कार्यालय बिर्ताका ८ र जिल्ला प्रहरी कार्यालय पर्साका १ जना रहेका छन ।
थपिएको संक्रमितमध्ये नारायणी अस्पतालको क्वारेन्टाइनमा रहेका ५ वर्षीया बालिकासहित ३ जना , वीरगञ्ज माईस्थानका ३ जना र वीरगञ्ज बिर्ताका ८६ वर्षीय वृद्धसहित ९ र छपकैयाका ५ जना रहेको छन् ।
पुष्टि हुनेमा नेशनल मेडिकल कलेजका २ जना डाक्टर पनि हाे । त्यसैगरी संक्रमित हुनेमा धेरै जसाे वीरगञ्जको आदर्शनगर, रामटोल, मुर्लि, रेशमकोठी, भिषुवा, लिंकरोड घण्टाघरलगायतका क्षेत्रका बासिन्दा रहेका छन् भने
पर्साको धोबिनी गाउँपालिका ३ का १ जना र जगरनाथपुर गाउँपालिकाक २ जना रहेका छन् ।
बाराको बिश्रामपुर गाउँपालिका ५ इटियाहीका १, पथलैया , सिमरा र कुटुवा बाराका थप १/१ जनागरी ४ जना र निजगढका एक जान शस्त्र प्रहरीमा संक्रमित पुष्टि भएको छ।
प्रतिक्रिया दिनुहोस