५९७ पाठक संख्या बारामा आईतवार एकै दिन ६५ जनामा कोरोना संक्रमण पुष्टि भएको छ । संक्रमित हुनेमा जीतपुरसिमरा सिमरा उपमहानगरपालिकामा ३६ जना, महागढिमाईमा १७ जना, करैयामाईमा १० जना र कलैया उपमहानगरपालिकामा २ जना रहेको जील्ला प्रशासन कार्यालय बाराले जनाउको छ ।
संक्रमित हुनेमा ५ र ८ वर्षका बालक समेत रहेको जील्ला प्रशासन कार्यालय बाराका प्रमुख रुद्रप्रसाद पण्डितले जानकारी दिनुभएको छ । यसैगरी ६५, ६८, र ८५ वर्षका तिन जना बृद्ध समेत रहेको उहाँले जानकारी दिनुभयो ।
१६ जना महिला र ४९ जना पुरुष संक्रमित मध्ये सबैलाई आईसोलेशनका लागि ब्यवस्थापन गर्न जील्ला प्रशासन कार्यालय बारामा बैठक चलीरहेको समेत प्रमुख जील्ला अधिकारी पण्डितले जानकारी दिनुभयो ।
उहाँले जील्लामा कोरोनाको संक्रमण बढ्दै गएकोले सबैलाई घरमै बस्न र सचेत रहन समेत आग्रह गर्नुभएको छ ।
प्रतिक्रिया दिनुहोस