५८६ पाठक संख्या वीरगञ्ज : वीरगञ्ज महानगरपालिकामा मेयर विजयकुमार सरावगी कोरोना मुक्त भएका छन् । उनी २५औँ दिनमा कोरोना मुक्त भएका हुन् ।
आइतबार नारायणी अस्पतालको प्रयोगशालामा गरिएको परीक्षणमा सरावगीको पीसीआर रिपोर्ट नेगेटिभ आएको उनका प्रेस सल्लाहकार गोविन्द देवकोटाले जानकारी दिए ।
गत साउन १४ गते कोरोना संक्रमण पुष्टि भएका सरावगीलाई १२ दिन आईसीयूमा राखेर उपचार गरिएको थियो । पटक–पटक गरिएको कोरोना परीक्षणपछि आइतबार मेयर सरावगीको कोरोना रिपोर्ट नेगेटिभ आएको हो ।
मेयर सरावगीका सम्पूर्ण परिवारमा पनि कोरोना पुष्टि भएको थियो । उनका बुबाको अहिले पनि काठमाडौंको ग्रान्डी अस्पतालमा उपचार भइरहेको छ । परिवारका अन्य सदस्य कोरोनामुक्त भइसकेका छन् । केही दिनभित्रै महानगरवासीको सेवा आफू जुट्ने मेयरले जनाएका छन् ।
प्रतिक्रिया दिनुहोस