सल्यान , पौष १९ : बागचौर नगरपालिकामा शिक्षकको कुटाईबाट एक विद्यार्थी घाइते भएका छन् । जनकल्याण नमूना माध्यमिक विद्यालयमा कक्षा १० मा अध्ययनरत विशाल बस्नेत शिक्षकको कुटाईबाट घाइते भएका हुन् ।
विद्यालयको प्राङ्गनमा बुधबार विशाल र अर्का विद्यार्थीबीच सामान्य झगडा हुँदा उनलाई शिक्षकले कुटेका हुन् । आफूलाई सहायक प्रधानध्यापक तुलसीराम बस्नेत र शिक्षक यामबहादुर घर्तीले कुटपिट गरेको विशालको भनाई छ ।
शिक्षकको कुटाईबाट विशालको पेट, टाउको र छातीमा चोट लागेको बुबा तेजबहादुरले बनाउनुभयो । विशालको श्रीनगरस्थित कान्तिपुर सामुदायिक अस्पतालमा उपचार भइरहेको छ । अस्पतालले अहिले भने उनको अवस्था सामान्य रहेको जनाएको छ ।
जनता समाचार
प्रतिक्रिया दिनुहोस