AP Khabar२०७५ पौष २१, शनिबार (५ साल अघि)
२९१ पाठक संख्या सोलुखुम्बु , पौष २१ : नेपाल वायुसेवा निगमले फाप्लु-विराटनगर उडान रद्द गरेको छ ।
फाप्लुदेखि विराटनगर जाने यात्रु अभाव भएकाले तालिका रद्द गरिएको निगमले जनाएको छ । गत कात्तिक ९ गतेदेखि प्रत्येक हप्ताको शुक्रबारका लागि उडान तालिका राखिएको थियो तर विमानले उडान भर्न तयार भए पनि यात्रु नपाएको भन्दै तालिका रद्द गरेको निगमको फाप्लुका इन्चार्ज गणेशकुमार श्रेष्ठले जानकारी दिनुभयो ।
उहाँका अनुसार वायुसेवा निगमले यही पुस २४ गते ८ तारिखदेखि लागू हुने गरी उडान तालिका रद्द गरेको हो । अब यात्रु भए पनि उडान नहुने इन्चार्ज श्रेष्ठले बताउनुभयो । सोलुखुम्बुका नागरिक भने सल्लेरी विराटनगर सिधा सडक सञ्जाल जोडिएकाले सडकमार्ग हुँदै जाने गरेका छन् ।
समाचार
प्रतिक्रिया दिनुहोस