AP डेस्क
जीतपुर, पौष २३ : स्वर्गीय महमुद आलम स्मृती क्रिकेट टुर्नामेंट २०७५ को पहिलो खेलमा घरेलु टिभ हरपुर ७ विकेटले जीत हात पारेको छ । जीतपुरसिमरा उपमहानगरपालिका २४ हरपुरमा सोमबारबाट शुरु भएको स्वर्गीय महमुद आलम स्मृती क्रिकेट टुर्नामेंट २०७५ को पहिलो खेलमा घरेलु टिभ हरपुरले खुट्वा जब्दिलाई ७ विकेटले पराजीत गरेको हो ।
सोमवार भएको पहिलो खेलमा खुट्वा जब्दिले टस जीतेर पहिले ब्याटिङ्ग रोजेको थियो । ब्याटिङ्गका लागि मैदानमा आएका खुट्वाले १० विकेट गुमाउदै एक सय २३ रन बनाउन सफल भएको थियो । सो लक्ष्य पछ्याउदै हरपुरले ३ विकेटको क्षतीमा जीत निकाल्न सफल भएको हो ।
खेलमा जीतका लागि शानदार प्रदर्शन गर्ने हरपुरका राजेश यादब म्यान अफ दि म्याच घोषित भएका थिए । उनले खुट्वाका विरुद्द ३४ बलमा ३६ रनको शानदार खेल प्रदर्शन गरेका दिए ।
सोमबारबाट शुरु भएको यस खेललाई महमुद आलम फाउंडेशनका अध्यक्ष तथा नेकपाका युवा नेता ई. मोबिन आलमले उद्घाटन गरेका छन् । उद्घाटन कार्यक्रमका प्रमुख अतिथी समेत रहेका ई. आलमले यहाँ निमार्ण हुन लागेको पार्कलाई थप ब्यवस्थित गर्न प्रधानमन्त्रि समक्ष प्रस्ताव राखेको र ३ वर्षिय योजनामा पार्ने आशवासन समेत प्रधानमन्त्रिले दिनुभएको जानकारी गराएका थिए ।
उनले खेललाई हालसम्मपनि मनोरञ्जनको रुपमा मात्र लिएको बताउदै अबको दिनमा यसलाई ब्यवसायीक रुप दिन समेत अनुरोध गरे । उनले यस क्षेत्रका खेलाडीको विकासका लागि आफु आगामी दिनमा समेत प्रयत्नरत रहने जानकारी दिए ।
यसैगरी कार्यक्रमलाई सम्बोधन गर्दै जीतपुरसिमरा उपमहानगरपालिका वडा नम्बर २४ का वडा अध्यक्ष इलियास देवानले आफुले सधै हरपुर क्रिकेटको विकासका लागि प्रयास गर्ने जानकारी दिए । उनले स्व. महमुद आलमको सपनालाई साकार पार्न यस्ता कार्य गरेको प्रति महमुद आलम फाउंडेशनलाई धन्यवाद समेत दिएका थिए ।
हरपुर क्रिकेट क्लबका अध्यक्ष इरफान अंसारीको सभाअध्यक्षतामा सम्पन्न उद्घाटन समारोहमा सोबराती अंसारी, भोला अंसारी, अंसारुल अंसारी, बिकास यादव, रामजीवन साह, लालबाबु अंसारी लगायतको सहभागिता रहेको थियो । भने कार्यक्रमलाई कलामुद्दीन अंसारीले सहजिकरण गरेका थिए ।
प्रतिक्रिया दिनुहोस