AP संवादाता
विरगंज, पौष २९: वीरगञ्जमा दोस्रो विशाल समृति फुटबल प्रतियोगिता अन्र्तगत आईतवार भएको खेलमा हिमालयन शेर्पा विजयी भएको छ ।
वीरगञ्जको नारायणी रंगशालामा जारी प्रतियोगिता अन्र्तगत आज हिमालयन शेर्पाले, सशस्त्र प्रहरीको एपिएफलाई ४–१ गोल अन्तरले पराजित गरेको हो । अधिकांश समय बललाई नियन्त्रणमा राख्न सफल हिमालयन शेर्पाले पहिलो हाफमा नै चार गोल गर्न सफल भएको थियो । दोस्रो हाफमा एपिएफले सान्त्वना गोल मात्रै फर्काउन सक्यो । हिमालयन शेर्पाका विश्वास श्रेष्ठ म्यान अफ दि म्याच घोषित भए ।
प्रतियोगितामा प्रतियोगितामा विजेता टिमले कपसहित नगद ५ लाख ५५ हजार पाँच सय ५५ र उपविजेताले दुई लाख ७७ हजार सात सय ७७ रुपैयाँ पुरस्कार प्राप्त गर्नेछन् । सर्वोत्कृष्ट खेलाडीलाई सुजुकीको जिक्सर मोटरसाइकल प्रदान गरिने छ । प्रतियोगिता माघ ५ गतेसम्म चल्नेछ ।
प्रतिक्रिया दिनुहोस