AP Khabar२०७५ माघ ५, शनिबार (५ साल अघि)
३६९ पाठक संख्या काठमाडौं , माघ ५ : पूर्वप्रधानन्त्री तथा नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले पूर्वउपप्रधानमन्त्री एवं नेकपाका नेता भरतमोहन अधिकारीको स्वास्थ्य अवस्था बारे जानकारी लिनुभएको छ ।
चिसोका कारण छातीमा सङ्क्रमण देखिएपछि ललितपुरको भैँसेपाटीस्थित मेडिसिटी अस्पतालमा पुस २३ गतेदेखि उपचाररत नेता अधिकारीको स्वास्थ्य अवस्थाका बारेमा उहाँले जानकारी लिनुभएको हो ।
अध्यक्ष दाहालले अधिकारीको उपचारमा संलग्न चिकित्सकसँग स्वास्थ्यस्थिति बुझ्नु भएकाे प्रेस संयाेजक विष्णु सापकाेटाले जानकारी दिनु भएकाे छ ।
पूर्वउपप्रधानमन्त्री अधिकारीको स्वास्थ्य अवस्था सुधारोन्मुख छ । ८३ वर्षीय अधिकारीले एक वर्षदेखि स्वास्थ्यमा समस्या आएपछि मेडिसिटी अस्पतालमा पटकपटक उपचार गर्दै आउनु भएको छ । उहाँकाे उपचारमा डा राजेन्द्र रिजालसहितकाे टाेली सक्रिय छ ।
जनता समाचार
प्रतिक्रिया दिनुहोस