भारतको राजस्थानस्थित एक विवाहघरमा ट्रक ४ बालकसहित १३ जनाको मृत्यु भएको छ । द्रुत गतिमा आइरहेको ट्रक बिवाहघरमा पस्दा अन्य १८ जना गम्भीर घाइते भएको स्थानीय प्रहरीलाई उद्धृत गर्दै स्थानीय सञ्चारमाध्यमले उल्लेख गरेका छन् । घटना सोमबार राती भएको हो ।
बंसबाडाबाट नीमबेहारातर्फ जाँदै गरेको ट्रक सडक किनारमा रहेको विवाह समारोहमा घुसेको थियो । मुख्यमन्त्री अशोक गहलोतले घटनाप्रति दुःख व्यक्त गरेका छन् । मृतकहरुको शव पोस्टमार्टमको लागि शवगृहमा राखिएको छ । यस्तै १८ जना गम्भीर घाइतेलाई उपचारका लागि स्थानीय अस्पतालमा पठाइएको छ । मृतकमध्ये ९ जनाको सनाखत भएको छ भने बाँकी अझै पहिचान हुन सकेको छैन । घटनाको बारेमा थप अनुसन्धान भइरहेको प्रहरीले जनाएको छ ।
janta samachar
प्रतिक्रिया दिनुहोस