AP Khabar२०७५ फागुन ८, बुधबार (५ साल अघि)
५२६ पाठक संख्या सदरमुकाम फुङलिङमा मंगलबार दिउँसो भएको मोटरसाइकल दुर्घटनाका गम्भिर घाईते पाथिभरा याङ्वरक गाउँपालिका –१ नाङ्खोल्याङका २६ वर्षीय अमिर बर्देवाको मृत्यु भएको छ ।
ताप्लेजुङ अस्पतालमा उपचार हुन नसकेपछि रेफर गरिएकोमा पाँचथरमा पुगेपछि मृत्यु भएको ताप्लेजुङ प्रहरी प्रमुख सञ्जयसिंह थापाले जानकारी दिनुभयो ।
सो दुर्घटनामा इलामको देउमाई नगरपालिका– १ की २२ वर्षीया सृजना गुरुङको घटनास्थल मै मृत्यूभएको थियो । फुङलिङ बजारस्थित तमोर एफएम छेउवाट मेची राजमार्गतर्फ जाने क्रममा ना२१प ५६२८ को मोटरसाइकल सडकबाट मेची राजमार्गमा खसेर दुर्घटना भएको थियो ।
मृतक गुरुङ सिचाई डिभिजन कार्यालय ताप्लेजुङकी सामाजिक परिचालक हुन् भने बर्देवा नृत्य प्रशिक्षक हुन् । तिव्र गतिका कारण दुर्घटना भएको हुनसक्ने प्रारम्भिक अनुमान गरिएको जिल्ला प्रहरी कार्यालय ताप्लेजुङका प्रमुख थापाले बताउनुभयो ।
janta samachar
प्रतिक्रिया दिनुहोस