मकवानपुर प्रहरीले ठूलो मात्रामा लागूऔषधसहित दुईजनालाई पक्राउ गरेको छ ।
कैलाश गाउँपालिका–१ डाँडाखर्कको बोल्ने लेकबाट २७३ किलो चरेशसहित सोही ठाउँका ४३ वर्षीय चन्द्रबहादुर घलान र धादिङ गजुरी गाउँपालिका–८ किरानचोकका ३६ वर्षीय पशुपती भनिने जीवन तामाङलाई पक्राउ गरिएको मकवानपुरका प्रहरी उपरीक्षक मुकेशकुमार सिंहले जानकारी दिए ।प्रहरीले उनीहरुको साथबाट २६७ पोकामा रहेको चरेश र घलानको गोठमा चरेश बनाउनका लागि तयारी अवस्थामा राखिएको ५ वटा बोराको ११० किलो गाजाको धुलो बरामद गरिएको उनले बताए । बरामद भएको लागूऔषध चरेशको नेपाली बजारको मूल्य एक करोड मूल्य बराबरको रहेको प्रहरीले जनाएको छ । उनीहरुलाई कानून अनुसार दुई वर्ष कैद र १५ देखि एक लाख रुपैयाँसम्म जरीवाना हुनसक्ने प्रहरी उपरीक्षक सिंहले बताए ।
narayanionline
प्रतिक्रिया दिनुहोस