AP Khabar२०७५ फागुन १०, शुक्रबार (५ साल अघि)
४४५ पाठक संख्या नेपाल कम्युनिष्ट पार्टी (नेकपा) ले एकता कार्यदल बिघटन गरेको छ । प्रधानमन्त्री निवास बालुवाटारमा शुक्रबार भएको सचिवालय बैठकले कार्यदल बिघटन गरेको हो ।
एकीकरणको टुंगो सचिवालयले नै लगाउने गरी कार्यदल बिघटन गरिएको प्रवक्ता नारायणकाजी श्रेष्ठले बताउनुभयो ।
नेकपाले दुई पार्टीबीचको एकीकरण छिनोफानोका लागि सुझावसहितको प्रतिवेदन तयार पार्न सचिवालय सदस्य तथा गृहमन्त्री रामबहादुर थापा ‘बादल’को संयोजकत्वमा ९ सदस्यीय कार्यदल बनाएको थियो । कार्यदलमा महासचिव विष्णु पौडेलसहित स्थायी कमिटी सदस्यहरु शंकर पोखरेल, सुरेन्द्र पाण्डे, वर्षमान पुन, लेखराज भट्ट, योगेश भट्टराई, बेदुराम भुसाल र रघुवीर महासेठ रहनु भएको थियो ।
सचिवालय बैठकले प्रदेशसभा सदस्य उत्तरकुमार ओलीको निधनप्रति दुख्त व्यक्त गरेको छ । दाङ क्षेत्र नम्बर ३ (ख) बाट प्रदेशसभामा निर्वाचित ओली माघ २४ काे सवारी दुर्घटनामा घाइते हुनु भएको थियो ।
नेकपाको ९ सदस्यीय सचिवालयमा प्रधानमन्त्री केपी ओली, अध्यक्ष पुष्पकमल दाहाल ‘प्रचण्ड’, वरिष्ठ नेताद्वय माधवकुमार नेपाल तथा झलनाथ खनाल, महासचिव विष्णु पौडेल, प्रवक्ता नारायणकाजी श्रेष्ठ, बामदेव गौतम, ईश्वर पोखरेल र रामबहादुर थापा ‘बादल’ हुनुहुन्छ ।
janta samachar
प्रतिक्रिया दिनुहोस