चैत ३ प्रधानमन्त्री तथा नेकपा अध्यक्ष केपी शर्मा ओली आज (आइतबार) मोरङको विराटनगर जाँदै हुनुहुन्छ । उहाँ आज विहान १० बजे काठमाडौंबाट विराटनगरतर्फ प्रस्थान गर्दै त्यहाँबाट सुनसरीका विभिन्न कार्यक्रममा सहभागी हुने कार्यक्रम रहेको छ ।
त्यस्तै प्रधानमन्त्रीले आजै दिउँसो ११ बजे पछि मोरङको कटारी नगरपालिकामा निर्माण गरिएको कृषि बजारको उदघाटन गर्ने कार्यक्रमसमेत रहेको छ ।
त्यसपछि उहाँले दिउँसो साढे १२ बजेतिर विराटनगरमा नेकपाको प्रदेश नम्बर १ का सदस्यहरुलाई सपथ गराउने कार्यक्रम रहेकाे छ ।
त्यस्तै आजै दिउँसो ३ बजे बर्जु गाउँपालिकाको बर्जु तालको निरीक्षण र स्थानीय सभालाई सम्बोधन गर्ने कार्यक्रम पनि रहेको प्रधानमन्त्रीको निजी सचिवालयले जनाएको छ ।
प्रतिक्रिया दिनुहोस