AP Khabar२०७५ चैत्र २४, आईतबार (५ साल अघि)
३६४ पाठक संख्या चैत्र २४ व्यास गाउँपालिकालाई आलुमा आत्मनिर्भर बनाइने भएको छ । विगतदेखि नै आलु उत्पादन हुँदै आएको व्यास गाउँपालिकाभरी आलु खेती लगाएर आलुमा आत्मनिर्भर बनाइन लागेको हो ।
आलुको लागि उपयुक्त हावापानी रहेको व्यास गाउँपालिकाले यो वर्ष हालसम्म दुई मेट्रिक टन आलुको बीउ ७५ प्रतिशत अनुदानमा वितरण गरेको छ । अझै किसानको मागको आधारमा थप दुई मेट्रिक टन आलुको बीउ माग गरिएको गाउँपालिकाको कृषि शाखा सह संयोजक विपी बडुले जानकारी दिनुभयो । पहिलो चरणमा किसानलाई पाठशालामार्फत आलु खेती लगाउन शुरु गरिएको छ । गाउँपालिकाको वडा नम्बर ४ स्थित खातीगाउँमा कृषक पाठशालामार्फत् आलु खेती लगाउन थालिएको हो ।
परम्परागत तरिका र आधुनिक प्रविधिको आधारमा आलु लगाइएको छ, सह संयोजक बडूले भन्नुभयो, ‘आधा रोपनीमा किसानको परम्परागत तरिका र आधा रोपनीमा आधुनिक तरिकामा गरी पहिलो चरणमा नमुनाको रुपमा एक रोपनी खेतमा आलु लगाइएको छ ।’
janta samachar
प्रतिक्रिया दिनुहोस