AP Khabar२०७५ चैत्र २७, बुधबार (५ साल अघि)
३२१ पाठक संख्या चैत्र २७ जीवनभर एकआर्कालाई साथ दिने कसम खाएर विवाह बन्धनमा बाँधिएकी श्रीमती गायव भएपछि सप्तरीका युवक खोज्दै भौतारिएका छन् । पाँच वर्ष प्रेमसम्बन्धपछि विवाह गरेकी श्रीमतीलाई उनका घरपरिवाले गायब बनाएको भन्दै बिष्णुपुर गाउँपालिका–५ का प्रदीपकुमार साह न्याय माग्दै प्रहरी प्रशासनमा धाइरहेका छन् ।
असोज ५ गते प्रदीपले हनुमाननगर कंकालिनी नगरपालिका–६ रम्पुरा मल्हनियाकी २० वर्षीया रबिनाकुमारी यादवसँग अन्तरजातीय विवाह गरेका थिए । उनीहरुले सप्तरी जिल्ला अदालतबाट माघ २३ गते नाताकायम समेत गरे । तर, नाताकायम भएको महिना दिन नबित्दै माइती पक्षले श्रीमती गायब पारेको साहको आरोप छ ।
राजविराजको राजदेबी मन्दिरमा राजिखुसी विवाह र सप्तरी जिल्ला अदालतबाट नाताकायम गरी राजविराजमै डेरामा बस्दै आएका थिए । प्रदीप पढ्न काठमाडौं गएका बेला फागुन २३ गते श्रीमतीलाई माइती पक्ष आएर लगेको प्रदीपको भनाइ छ ।
श्रीमतीलाई भारत बिहारको मधुबनी अन्धरामण्ठ मैन्हीमा बन्धक बनाई राखेको दावी गरेका प्रदीपले न्याय खोज्दै नेपाल र भारतका प्रहरीलाई समेत गुहारेका छन् । समाचार अन्नपूर्ण पोस्ट दैनिकले प्रकाशित गरेको छ ।
janta samachar
प्रतिक्रिया दिनुहोस