AP Khabar२०७६ बैशाख ४, बुधबार (५ साल अघि)
३२४ पाठक संख्या बैशाख ४ दोस्रो मनमोहन स्मृति यु १६ अन्तर प्रदेश राष्ट्रिय क्रिकेट प्रतियोगिता आगामी वैशाख १८ गतेबाट राजधानीमा शुरु हुने भएको छ ।
पूर्वप्रधानमन्त्री मनमोहन अधिकारीको स्मृति दिवस (बैशाख १३)को सन्दर्भ पारेर प्रतियोगिता आयोजना गर्न लागिएको हो । मनमोहन मेमोरियल क्रिकेट सेन्टरले मंगलबार राजधानीमा पत्रकार सम्मेलन गरी प्रतियोगिताबारे जानकारी दिएको छ ।
प्रतियोगितामा सात वटै प्रदेशका १६ वर्ष मुनीका खेलाडी र सातवटा टिमको सहभागीता रहने छ । पहिलो हुने टिमले नगद र खेल सामग्री गरी पाँच लाखको पुरस्कार प्राप्त गर्ने छ । त्यसैगरी, दोस्रो हुने टिमले नगद र खेल सामग्री गरी २ लाख ५० हजार पुरस्कार प्राप्त गर्ने छ ।
विजेता र उपविजेता दुबै पुरस्कारको आधा रकम नगद र आधा रकम बराबरको खेलकुद सामग्री रहने क्रिकेट सेन्टरका अध्यक्ष ठाकुर गैरेले जानकारी दिनुभयो ।
प्रतिक्रिया दिनुहोस