बैशाख १८ म्याग्दी,१३०औँ अन्तराष्ट्रिय श्रमिक दिवसकै दिन आज म्याग्दीमा सडक खन्ने क्रममा एक जना मजदुरको मृत्यु भएको छ । जिल्लाको निर्माणाधीन बेनी-दर्बाङ सडक खण्डमा कामगर्दै गर्दा माथीबाट खसेको माटोको ढिस्कोले पुरिएर मृत्यु भएको हो ।
मृत्यु हुनेमा बर्दिया जिल्लाको मधुवन नगरपालिका वडा नं. २ का अन्दाजी ३५ वर्षका कालुराम थारु रहेका छन् । जिल्ला प्रहरी कार्यालय म्याग्दीका अनुसार बुधबार निर्माणाधीन सडकको १० मिटर जति माथीबाट खसेको ढिस्कोले पुरिएर थारुको मृत्यु भएको हो ।
स्थानीयको सहयोगमा डोजरले माटोको ढिस्को पन्छाएर शव निकालिएको प्रहरीले जनाएको छ ।
प्रतिक्रिया दिनुहोस