बैशाख १९ प्रदेश २ को राजधानी र नामको विषयमा प्रदेश २ सरकारले प्रतिवेदन सार्वजनिक गर्न लागेको छ । आज विहान साढे १० बजे मुख्यमन्त्री कार्यालयमा पत्रकार सम्मेलन गरी राजधानी र नामको विषयमा प्रदेश सरकारले प्रतिवेदन सार्वजनिक गर्न लागेको हो ।
राजधानी र नाम टुंगो लगाउन गत कार्तिक १२ गते प्रदेश २ मन्त्रिपरिषद बैठकले डा।हरिवंश झाको संयोजकत्वमा ३ सदस्यीय संवाद तथा सुझाव आयोग गठन गरेको थियो ।
आयोगलाई गठन भएकै बेलादेखि प्रदेश २ को आठवटै जिल्लाबाट राजनितिक दल, नागरिक समाज, संघसंस्था तथा बढी भन्दा बढी व्यक्तिसंग सल्लाह र सुझाव संकलन गरी ४५ दिनभित्र प्रतिवेदन प्रदेश सरकारलाई बुझाउन भनेको थियो । तर आयोगले संकलन गरेको सुझावको प्रतिवेदन प्रदेश सरकारले ६ महिनापछि सार्वजनिक गर्न लागेको हो ।
सरकार गठन भएको लामोसमयसम्म प्रदेशको नाम र राजधानी नट्युंग्याउँदा प्रदेश सरकारको चर्को आलोचना हुँदै आएको छ ।
प्रतिक्रिया दिनुहोस