AP Khabar२०७६ बैशाख २६, बिहिबार (४ साल अघि)
४५८ पाठक संख्या बैशाख २६
प्रतिनिधिसभा अन्तर्गतका विभिन्न विषयगत समितिहरुको बैठक आज बस्दैछ । संघीय निजामती सेवा गठन, सञ्चालन र सेवा सर्तका सम्बन्धमा व्यवस्था गर्न बनेको विधयेक माथि छलफलका लागि राज्य व्यवस्था तथा सुशासन समितिको बैठक बस्दैछ ।
राज्य व्यवस्था समितिको बैठक दिउँसो १ बजेका लागि बोलाइएको छ । समितिको वार्षिक प्रतिवेदन सम्बन्धमा छलफलका लागि कृषि, सहकारी तथा प्राकृतिक स्रोत समितिको बैठक दिउँसो २ बजेका लागि बोलाइएको छ । महिला तथा सामाजिक समितिको बैठक बिहान ११ बजे बसेको छ । बैठकमा राष्ट्रिय समावेशी आयोगको हक सम्बन्धमा कामकारबाही एवं भावी रणनीतिक योजनाका सम्बन्धमा छलफल हुने संसद सचिवालयले जनाएको छ ।
यस्तै, राष्ट्रिय सभा अन्तर्गतको राष्ट्रिय सरोकार तथा समन्वय समितिको बैठक पनि दिउँसो १ बजेका लागि बोलाएको छ । बैठकमा प्रादेशिक अन्तक्र्रिया कार्यक्रमको प्रतिवेदन लगायत विविध विषयमा छलफल हुने सचिवालयले जनाएको छ ।
प्रतिक्रिया दिनुहोस