AP Khabar२०७६ जेष्ठ ४, शनिबार (५ साल अघि)
२८८ पाठक संख्या काठमाडौं,४ जेठ । प्रदेश नं ३ का मुख्यमन्त्री डोरमणि पौडेलले प्रदेश सरकार बहुदलीय प्रणाली, मानव अधिकार, स्वतन्त्र न्यायपालिका, आवधिक निर्वाचन, प्रेस स्वतन्त्रता र विधिको शासनप्रति पूर्ण प्रतिबद्ध रहेको बताउनुभएको छ ।
बुद्धपूर्णिमा तथा उभौली पर्वका अवसरमा आज एक शुभकामना सन्देश जारी गरी उहाँले तीनै तहका सरकार जनताप्रति उत्तरदायी, जनताबाट सञ्चालित र जनताको सेवामा समर्पित भई “समृद्ध नेपाल, सुखी नेपाली” बनाउने उद्देश्य पूरा गर्न समन्वयकासाथ अघि बढी इतिहास रच्ने आधार बनाउन प्रतिबद्ध रहेको उल्लेख गर्नुभएको छ ।
“विश्व शान्तिका अग्रदूत गौतमबुद्धको २५६३औँ जन्मजयन्तीको पावन अवसरमा विश्वभरका बौद्धमार्गी एवं शान्ति र अहिंसाप्रेमी तथा किरात समुदायको महानचाड उभौली पर्वको पावन अवसरमा सम्पूर्ण समुदायमा हार्दिक शुभकामना व्यक्त गर्दछु”, सन्देशमा भनिएको छ ।
प्रतिक्रिया दिनुहोस