AP Khabar२०७६ जेष्ठ ९, बिहिबार (४ साल अघि)
२४२ पाठक संख्या जेठ ९ बैतडी । बैतडीमा आगलागीमा परी एकै परिवारका तीन जनाको मृत्यु भएको छ । बुधबार राति पौने ११ बजे पुर्चौडी नगरपालिका ७ बसपार्क छेउमा टहरो बनाएर बसेको परिवार आगलागीमा परेको हो ।
बैतडीका प्रहरी नायव उपरिक्षक नेत्रमणी गिरीका अनुसार आगाेले जलेर ४५ वर्षीय करे लुहार, उनकी ४० वर्षीया श्रीमती ब्रिन्दा लुहार र ८ वर्षीय छोरा मनोज लुहार रहेकाे मृत्यु भएकाे हाे ।
पुर्चौडी नगरपालिका ५ कुवाकोट घर भई उनीहरु पुर्चौडी नगरपालिका ७ बसपार्कमा टहरा बनाई बस्दै आएका थिए।
बुधबार राति खाना खाएर सुतेका बेला चुल्होबाट आगो सल्केको हुन सक्ने प्रहरीले अनुमान गरेको छ । राति करीब पौने १० बजेतिर आगो लागेकाे थियाे।
प्रहरी र स्थानीयको सहयोगमा आगो नियन्त्रणमा लिएपनि प्रहरी र स्थानीय घटनास्थल पुग्दा उनीहरु जलेर मृत्यु भइसकेको प्रहरीले जनाएको छ।
मजदुरी गरेर तथा मागेर जीवन निर्वाह गर्दै आएका लुहार परिवार गएको ७ बर्ष यता बसपार्कमा टहरो बनाइ बस्दै आएका थिए।
प्रतिक्रिया दिनुहोस