AP Khabar२०७६ जेष्ठ १५, बुधबार (४ साल अघि)
३४५ पाठक संख्या जेठ १५
एक दिवसिय विश्वकप अघि वार्मअप खेलमा उपाधिको प्रमुख दाबेदार मानिएको भारतले बंगलादेशलाई ९५ रनले पराजित गरेको छ ।
३ सय ६० रनको विशाल लक्ष्य पछ्याएको बंगलादेशले ४९.३ ओभरमा अल आउट हुँदै २ सय ६४ रनमा समेटियो । उसका लागि विकेटकिपर मुश्फिकुर रहिमले सर्वाधिक ९० रन योगदान दिएपनि जितको लागि प्राप्त भएन । ओपनर लिटन दासले ७३ रन बटुले । यस्तै मेहेदी हसन मिराजले २७, सौम्य सरकारले २५, मोहम्मद सैफुद्धीनले १८ रन बनाएका थिए । बलिङमा भारतका कुलदिव यादव र युजवेन्द्र चाहलले तीन तीन विकेट लिए । जसप्रित बुमराहले दुई तथा रविन्द्र जडेजाले एक विकेट लिएका थिए ।
त्यस अघि कार्डिफमा टस हारेर पहिला ब्याटिङ थालेको भारतले निर्धारित ५० ओभरमा ७ विकेट गुमाउँदै ३ सय ५९ रन बनायो । भारतलाई विशाल योगफल तयार पार्न पुर्व कप्तान समेत रहेका विकेटकीपर महेन्द्रसिंह धोनीले १ सय १३ रनको उत्कृष्ट शतकीय योेगदान दिए । त्यस्तै कप्तान विराट कोहलीले ४७, हार्दिक पाण्ड्याले २१, रोहित शर्माले १९ र रविन्द्र जडेजाले ११ रन बनाए ।
बंगलादेशका लागि रुवेल हसन र सकिव अल हसनले समान २ विकेट लिए । मुस्ताफिजुर रहमान, मोहम्मद सैफुद्दीन र सब्बिर रहमानको नाममा समान १ विकेट रह्यो ।
प्रतिक्रिया दिनुहोस