AP Khabar२०७६ जेष्ठ १५, बुधबार (४ साल अघि)
४८८ पाठक संख्या जेठ १५
आफ्नै सवारी साधन नभएका सांसदलाई प्रदेश नम्बर २ को प्रदेशसभामा ल्याउन र घरसम्म पुर्याउन हायस गाडीको सुविधा प्रदेशसभा सचिवालयले उपलब्ध गराएको छ ।
बैशाख ३१ गते देखी नै यो सुविधा प्रदान गरिएको हो । प्रदेशसभाको बैठक सञ्चालन भएको दिन मात्र गाडी गुड्ने गरेको छ । प्रदेशसभा सचिवालयका सचिव रंजित कुमार यादवका अनुसार प्रदेशसभाको बैठक बस्नुभन्दा १ घण्टा पहिले निर्धारण गरिएको रूटमा गाडी जाने गरेको छ र प्रदेशसभाको बैठक सम्पन्न भएपछि सांसदहरूलाई पुर्याउने पनि गरिएको छ ।
यादवका अनुसार ज १ ग ३२३ र ज १ ग ३२४ नम्बरको दुई वटा हायस ६९ लाख रुपैयाँमा खरीद गरिएको हो । खरीद गरिएको दुइ गाडी मध्ये अहिले ज १ ग ३२३ नम्बरको सेतो प्लेटको हायसका लागि जनकपुरको मुजेलियादेखि जिरोमाइल हुँदै मुरलीचोकदेखि प्रदेशसभा सम्मको रुट निर्धारण गरिएको छ ।
ज १ ग ३२४ नम्बरको सेतो प्लेटको अर्को हाईसको लागि पनि रुट निर्धारण भए पनि अहिले संचालनमा न रहेको सचिवालयले जानकारी गराएको छ । प्रदेशसभा सचिवालयमा कतिपय सांसदहरूले उक्त समस्याबारे अनौपचारिक रूपमा समेत गुनासो व्यक्त गरेका कारण सचिवालयले गाडीको व्यवस्था गरेको हो ।
प्रतिक्रिया दिनुहोस