२०७६ जेठ २३
काठमाडौं : भारतको अहमदाबादमा पाँच मानिस सारीपसल पुगेर दुईवटा सारी चोरेका छन् ।
ती सारी रितु कुमारको स्टोरको डिजाइनर सारी थिए । तिनको मूल्य डेढ लाख भारुभन्दा बढी थियो ।
पसलका कर्मचारीले अर्को दिन लेखापरीक्षण गर्दा बल्ल सारी चोरिएको जानकारी पाए । सारी गायब भएपछि सीसीटीभी फूटेज हेर्दा पाँचजना सारीचोर देखिए ।
ती पाँचजनामा चार महिला र एक पुरुष थिए । उनीहरूले ग्राहक बनेर पसलमा आई हिन्दीमा कुरा गरे । दुई महिला र पुरुषले कर्मचारीलाई कुराकानीमा अल्झाए भने बाँकी दुई महिलाहरू स्टोरमा चारैतिर घुमे । पछि सीसीटीभी क्यामराको फूटेज हेर्दा महिलाहरूले आफ्ना लामो कुर्तामा सारी लुकाएको देखियो ।
लगभग बीस मिनेट स्टोरमा बिताएपछि उनीहरू साँझ ६ः३० मा स्टोरबाट निस्किए । उनीहरूले केही पनि किनेनन् ।
घटनाको अनुसन्धान गरिरहेको प्रहरीले सीसीटीभी फूटेज चेक गरेर आरोपितलाई पक्रिन प्रयास गरेको छ ।
ती पाँच चोरहरू चढेर आएको वाहन पनि प्रहरीले खोजिरहेको छ । वरिपरिको क्षेत्रबाट सीसीटीभी फूटेज पनि हेर्ने काम भइरहेको छ ।
प्रतिक्रिया दिनुहोस