AP Khabar२०७६ जेष्ठ २८, मंगलबार (४ साल अघि)
८५७ पाठक संख्या २०७६ जेठ २८
युरो कप छनोट अन्तर्गत समूह ‘एफ’ को खेलमा स्पेनले स्वीडेनमाथि ३–० गोलको सानदार जित हात पारेको छ । सान्टियागो बर्नबेउमा सोमबार राति भएको खेलमा स्पेनलाई जिताउन कप्तान सर्जियो रामोस, अल्भारो मोराटा र माइकल ओयारजावालले गोल गरे ।
सहज जितसँगै अपराजित रहेको स्पेनको समूह ‘एफ’ मा ४ खेलबाट १२ अंक पुगेको छ । छनोटमा पहिलो हार बेहोरेको स्वीडेन ७ अंक जोेडेर दोस्रो स्थानमा यथावत रहेको छ । पहिलो हाफसम्म गोलरहित बराबरीमा रोकिएपछि प्रतिस्पर्धात्मक बनेको खेलमा स्पेनले सबै गोल तर दोस्रो हाफमा गर्न सफल भएको हो । खेलको ६४औं मिनेटमा स्पेनले पेनाल्टी पायो । पेनाल्टीबाट गोल गर्दै रामोसले स्पेनलाई १–० गोलको अग्रता दिलाए । ८५औं मिनेटमा स्पेनले फेरी अर्को पेनाल्टी पायो । योपटक भने पेनाल्टी प्रहार गर्न मरोटा आए । उनले पेनाल्टीबाट सहजै गोलगरेसँगै स्पेनले २–० गोलको अग्रता बनायो । ८७औं मिनेटमा अर्का वैकल्पिक खेलाडी मिकेलले गोल गर्दै स्पेनलाई ३–० को सहज जित दिलाए ।
यही समूहको अर्को खेलमा रोमानियाले माल्टालाई ४–० को फराकिलो जित निकाल्यो । रोमानियाको फराकिलो जितमा जर्ज पुकासले दुई तथा एलेक्ससान्द्रु चिपसियु र डेनिस म्यानले समान १ गोल गरे ।
रोमानिया अन्तिम ११ मिनेट १० खेलाडीमा समेटिएको थियो । रोमानियाका एलेक्ससान्द्रु चिपसियु ८१औं मिनेटमा दोहोरो कार्ड खादै मैदानबाट बाहिरिएको थियो । जितसँगै रोमानियाको ४ खेलबाट ७ अंक पुगेको छ । माल्टा ३ अंकसहति पाँचौ स्थानमा छ ।
अर्को खेलमा नर्वेले फारोअ आइल्यान्डलाई २–० ले हरायो । जितसँगै नर्वे ५ अंक जोडेर चौथो तथा आइल्यान्ड अंकविहीन हुँदै पुछारमा छ ।
प्रतिक्रिया दिनुहोस