असार १७ काभ्रे,
शिक्षा विकास समन्वय इकाई धुलिखेलमा कार्यरत सव इञ्जिनियर धनवीर भगत घुस लिएको आरोपमा पक्राउ परेका छन् ।
अख्तियार दुरुपयोग अनुसन्धान आयोगको टोलिले सव इञ्जिनियर भगतलाई १ लाख ५० हजार घुस लिएको आरोपमा आज मंगलबार नियन्त्रणमा लिएको हो । शिक्षा विभाग सानोथिमिमा दरवन्दी रहेका सव इञ्जिनियर भगत मण्डनदेउपार नगरपालिका र महाभारत गाउपालिकाको १७ वटा विद्यालयको मर्मत कार्य हेर्दै आएका थिए ।
भगतले एक विद्यालयको पुनर्निर्माणको तेस्रो किस्ता रोकेर घुस मागेको खबर पाएपछि अख्तियारको टोली काभ्रे आएको थियो । सव इञ्जिनियर भगतले आफ्ना सहयोग शिक्षाकै पुर्व कर्मचारी निरजकुमार चौधरी मार्फत घुस रकम लेनदेन गरेको प्रारम्भिक अनुसन्धानमा देखिएको छ । डेढ लाख रुपैयाँ घुस लिएको आरोपमा पक्राउ परेका उनीसँग नगद भने बरामद भएन । तर बैंक भौचर बरामद भयो । उनले घुस बापतको रकम आफ्नो बैंक खातामा जम्मा गराउन लगाएका थिए ।
प्रतिक्रिया दिनुहोस