AP Khabar२०७६ श्रावण २, बिहिबार (४ साल अघि)
२८७ पाठक संख्या श्रावन ०२ ;
पूर्व–पश्चिम राजमार्ग अन्तर्गत मोरङको पथरी शनिश्चरे नगरपालिका–१० शिविर डाँडामा बस र पिकअप भेन ठोक्किँदा घटनास्थलमै एक जनाको मृत्यु भएको छ ।
दुर्घटनामा गम्भीर घाइते भएका अर्का एक जनाको नोवेल मेडिकल कलेजमा उपचारको क्रममा मृत्यु भएको हो ।
मृतक दुवैजनको पहिचान खुल्न नसकेको इलाका प्रहरी कार्यालयले पथरीका प्रमुख लक्ष्मी अधिकारीले बताए । दुर्घटनामा अन्य १९ जना घाइते भएका छन् । उनीहरुको स्थानीय मेडिकल तथा विराटनगर अस्पतालमा उपचार भइरहेको छ । घाइते मध्ये एकजनाको अवस्था गम्भीर रहेको डिएसपी अधिकारीले बताए ।
पश्चिम वाट पुर्व तिर आइरहेको बस र भेन ठोक्किँदा दुवै सवारीको चालक घाइते भएको प्रहरीले जनाएको छ ।
प्रतिक्रिया दिनुहोस