AP Khabar२०७६ श्रावण २, बिहिबार (४ साल अघि)
२४९ पाठक संख्या श्रावण २ पोखरा,
जबरजस्ती करणी गरेको अभियोगमा प्रहरीले तनहुँबाट एक जनालाई पक्राउ गरेको छ । ब्यास नगरपालिका ७ की ५ वर्षीया बालिकालाई जबरजस्ती करणी गरेको अभियोगमा सोही स्थानका १९ वर्षीय नबिन थापा मगरलाई बुधबार साँझ प्रहरीले पक्राउ गरेको छ ।
मगरले ती बालिकालाई मकैबारीमा लगि जबरजस्ती करणी गरेको भन्ने खबर प्राप्त हुनासाथ जिल्ला प्रहरी कार्यालय तनहुँ र अस्थायी प्रहरी पोष्ट कलेष्टिबाट संयुक्त रुपमा खटिएको प्रहरीले मगरलाई पक्राउ गरेको हो ।
यस्तै बारबर्दिया नगरपालिका ४ की १४ वर्षीया बालिकालाई जबरजस्ती करणी गरेको अभियोगमा सोही स्थानका ४२ वर्षीय रमेश थारुलाई बुधबार दिउँसो प्रहरीले पक्राउ गरेको छ । थारुले ती बालिकालाई गत मंगलबार जबरजस्ती करणी गरेको भन्ने खबर प्राप्त हुनासाथ ईलाका प्रहरी कार्यालय बानियाभारबाट खटिएको प्रहरीले उनलाई पक्राउ गरेको हो ।
यस विषयमा थप अनुसन्धान भईरहेको प्रहरीले जनाएको छ ।
प्रतिक्रिया दिनुहोस