शुक्रबार राति गएको पहिरोले जुगुमा एकजना सम्पर्कविहीन भएको प्रहरीले जानकारी दिएको छ । सम्पर्कविहीन हुनेमा सोही ठाउँका ५५ वर्षीय जगतबहादुर खत्री रहेका छन् । राति गौरीशंकर गाउँपालिकाकै जुगु खोलामा आएको बाढीले यात्रुबहाक बस समेत डुबेको थियो । १० जना सवार बसका सबै यात्रुलाई इलाका प्रहरी कार्यालय मैनापोखरीले सकुशल उद्धार गरेको छ ।

यात्रुलाई उद्धार गर्ने क्रममा स्थानीय १६ वर्षीय निशान खड्का सम्पर्कबिहीन भएको इलाका प्रहरी कार्यालय मैनापोखरीका इञ्चार्ज बद्री नेपालीले जानकारी दिनुभयो ।

खोलामा पानीको बहाव बढेकाले आवातजावत बन्द भएको छ । प्रहरी पहिरो गएको स्थानमा पुगेको छ ।