मंसिर १० काठमाडौं ।
प्रधानमन्त्री केपी शर्मा ओलीलाई एपेन्डिसाइटिस भएको आशंका गरिएको छ । आशंकापछि शल्यक्रिया तयारी भइरहेको प्रधानमन्त्रीको सचिवालयले जनाएको छ ।
प्रधानमन्त्रीका प्रेस सल्लाहकार सुर्य थापाकाअनुसार डाक्टरहरुले प्रधानमन्त्रीलाई एपेन्डिसाइटिस भएको आशंका गरेको र अहिले थप परीक्षण भइरहेको छ ।
मनमोहन कार्डियोथोरासिक भास्कुलर तथा ट्रान्सप्लान्ट सेन्टरका डा. अरुण सायमीले भने एपेन्डिसाइटिस भएको पक्का भएमात्र प्रधानमन्त्रीको सल्यक्रिया गरिने बताउनुभएकाे छ ।
स्वास्थ्यमा सामान्य समस्या देखिएपछि मंगलबार बिहान (आज) परीक्षणका लागि प्रधानमन्त्री शिक्षण अस्पताल पुग्नुभएको थियो ।
लामोसमयदेखि मिर्गौलाका बिरामी रहनुभएका प्रधानमन्त्रीले ४ पटक डायलासिस गराइसक्नुभएको छ । प्रत्यारोपण गराइएको मिर्गौलामा समस्या आइरहँदा प्रधानमन्त्री नियमित स्वास्थ्य परीक्षण गराइरहनुभएको छ ।
प्रतिक्रिया दिनुहोस