AP Khabar२०७६ मंसिर २३, सोमबार (४ साल अघि)
४०६ पाठक संख्या मंसिर २३ न्यूजिल्यान्ड ।
उत्तरपूर्वी भेगको ह्वकारी भनिने ह्वाईट आईल्यान्ड नामक टापुमा ज्वालामुखी विस्फोट हुँदा कम्तीमा पाँचको मृत्यु भएको छ ।
विस्फोटमा अन्य केही सम्पर्कविहीन भएको प्रहरीले जनाएको छ ।
विस्फोट हुनु केही क्षणअघि ज्वालामुखीको मुख नजिकै पर्यटकहरू हिँडेको देखिएको बताइएको छ । प्रहरीका अनुसार २३ जनालाई उद्वार गरिएको छ ।
मृत्यु हुने संख्या बढ्न सक्ने अनुमान गरिएको छ । अहिले उक्त स्थानमा उद्वार गर्न निकै जोखिमपूर्ण मानिएको छ । उद्वारका लागि सेनाले प्रहरीलाई सघाइरहेको छ ।
उद्वारकर्मीहरूका अनुसार घाइतेमध्ये केहीको अवस्था चिन्ताजनक रहेको बताइएको छ । घाइतेहरूको शरीर पोलेको छ ।
सन् २००१ यता त्यहाँ भएको यो पहिलो ज्वालामुखी विस्फोट हो । प्रधानमन्त्री जसिन्डा आर्डर्नले घटनालाई निकै ठूलो भन्नुभएकाे छ ।
प्रतिक्रिया दिनुहोस