AP Khabar२०७६ पौष ३, बिहिबार (४ साल अघि)
४२३ पाठक संख्या पौष ०३ एजेन्सी।
अमेरिकी संसदको तल्लो सदनमा राष्ट्रपति डोनाल्ड ट्रम्पविरुद्धको प्रस्तावमा बहुमत सदस्यले महाअभियोगको पक्षमा मत हालेका छन् । योसँगै उनी अमेरिकी इतिहासमा महाअभियोग लगाइन लागेका तेश्रा राष्ट्रपति बनेका छन्।
ट्रम्पको विरुद्धमा भएको मतदानमा पार्टीको लाइनअनुसार नै महाअभियोगको पक्षमा २३० र विपक्षमा १९७ मत परेको थियो ।
मत पार्टीको लाइन अनुसार नै खसेको थियो किनकि अधिकांश डेमोक्र्याट सदस्यले आरोपको पक्षमा र रिपब्लिकनहरूले आरोपको विपक्षमा मत हालेका थिए ।
तल्लो सदनमा विपक्षीको बहुमत भएकाले यो प्रस्ताव पास हुने निश्चित थियो । तर, अहिले नै ट्रम्प पदबाट हट्ने भने होइनन्।
किनकि यो प्रस्ताव दुई तिहाइले माथिल्लो सदनबाट पनि पास हुनुपर्छ । माथिल्लो सदनमा भने ट्रम्प पक्षधर रिपब्लिकनको बहुमत रहेको छ ।
बुधवार दिउँसो तल्लो सदनका सदस्यहरूले महाभियोगको विषयमा ६ घण्टा लामो बहस गरेका थिए ।
त्यसैगरी अब ट्रम्पले कांग्रेसलाई रोकेको आरोपमा पनि मतदानको सामना गर्नुपर्नेछ। राष्ट्रपतिले आफूविरुद्धको महाभियोगको प्रक्रियालाई ‘क’ को प्रयास भन्दै आइरहेका छन्।
प्रतिक्रिया दिनुहोस