AP Khabar२०७६ फागुन २६, सोमबार (४ साल अघि)
५८५ पाठक संख्या फाल्गुन २६ काठमाडौं । कोरोना भाइरसका कारण पोर्चुगलका राष्ट्रपति मार्सेलो रेबेलो देसौसा आइसोलेसनमा बस्ने भएका छन् । राष्ट्रपति देसौसाले आइतबार सबै सार्वजनिक गतिविधि रद्द गराएर घरमै बसी काम गर्ने बताएका हुन् ।
राष्ट्रपति भ्रमणमा गएको एक विद्यालयका विद्यार्थीमा कोरोना भाइरसको लक्षण देखिएपछि उक्त विद्यालय पनि बन्द गरिएको छ ।
राष्ट्रपति कार्यालयले राष्ट्रपतिमा कोरोनाको कुनै लक्षण नदेखिएको जनाएको छ । र संक्रमित विद्यार्थी राष्ट्रपती निवासमा नगएको पनि प्रस्ट पारिएको छ ।
राष्ट्रपतिले आफैं आइसोलेसनमा बसेर कोरोनाको रोकथामको उपाय अपनाउने र घरबाटै काम गर्न सबैलाई प्रेरित गर्ने उद्देश्यले यस्तो गरिएको राष्ट्रपति कार्यालयले जनाएको छ । एजेन्सी
प्रतिक्रिया दिनुहोस