फाल्गुन २६ काठमाडौं :
महिलामा हुने क्यान्सरमा स्तनपछि दोश्रो प्रमुख क्यान्सर, पाठेघरको मुखको क्यान्सर हो । विश्वमा प्रतिवर्ष ५ लाख मानिसलाई पाठेघरको मुखको क्यान्सर हुने गर्दछ । अन्दाजी २ लाख महिलाहरुको यो रोगबाट मृत्यु हुन्छ ।
नेपालमा प्रतिवर्ष कति महिलालाई यी रोग लाग्छ र कतिको मृत्यु हुन्छ भन्ने सही तथ्यांक छैन । साधारणतया यो रोग ४० वर्ष पछि देखापर्ने भएतापनि नेपाल जस्तो अविकसित देशमा यो रोग ३० वर्ष अथवा सो भन्दा कम उमेरका महिलाहरुमा समेत पाठेघरको मुखमा क्यान्सर हुने गरेको छ ।
सुरूआती चरणमा पत्ता लगाउन सकियो भने क्यान्सरबाट जोगिन सकिन्छ। तर अस्पतालमा महिलाहरू आउन ढिलो गर्छन्।
पाठेघरको मुखको क्यान्सरका लक्षणहरू
– महिनावारीको बीच बीचमा पनि रगत आउने
– सानै उमेरमा बिहे हुनु र बच्चा हुनु
– गन्हाउने पानी आइराख्नु
– यौन सम्पर्क गरिसकेपछि रगत बग्नु
– सधै थकित महसुष हुनु
– दिसा गर्ने बानीमा परिवर्तन हुनु
– कम्मर दुख्नु
– पेट चाढै भरिनु
– पेट फुलिनु
– तौल घट्नु
पाठेघरको मुखको क्यान्सरबाट कसरी जोगिने
– कलिलै उमेरमा विवाह नगर्ने,
– धेरै बच्चा नपाउने,
– गोप्य अङ्गको सरसफाईमा ध्यान दिने,
– धेरै जनासँग यौनसम्पर्क नराख्ने,
– चुरोट खैनी तथा सुर्तीजन्य पदार्थको सेवन नगर्ने,
– पाठेघरको परीक्षण गराइराख्नुपर्छ।
– सामान्य छ भने पनि हरेक ३–३ वर्षमा १ पटक परीक्षण गर्नुपर्छ।
यसरी परीक्षण गर्दा कुनै समस्या देखा परेमा उपचारका लागि तुरुन्तै अस्पताल जानुपर्छ ।
प्रतिक्रिया दिनुहोस