AP Khabar२०७७ बैशाख १७, बुधबार (४ साल अघि)
४७१ पाठक संख्या एपी खबर
जीतपर : केहि संचार माध्यममा आधार हिन तरिकोले अस्थायी कोरोना अस्पताल सिमरामा बिग्रेको थर्मल गन प्रयोग भएको समाचार प्रशारण भएपछि जीतपुरसिमरा उपमहानगरपालिकाले यस समाचारको खण्डन गरेको छ ।
अस्थायी कोरोना अस्पताल सिमरामा पत्रकार सम्मेलनको आयोजना गर्दै उपमहानगरपालिकाले समाचारको खण्डन गरेको हो । पत्रकार सम्मेलनमा बोल्दै नगर प्रमुख डा. कृष्ण पौडेलले सत्य तथ्य समाचार मात्र प्रशारण गर्न आग्रह गर्नुभयो । बुझाईमा समस्या हुदा समाचार प्रशारण भएको भन्दै उहाले गलत प्रचार गरिएको बताउनुभयो ।
‘केहि थर्मल गन बिग्रिएका पनि छन्, तर समाचार प्रशारण भएको बिषयमा भने बुझाईमा समस्या भएको देखियो’ नगर प्रमुख पौडेलले थप्नुभयो ‘प्रत्यक्ष रुपमा हामी पनि कुरा गर्न चाहन्छौ’ । कोरोना संक्रमण नियन्त्रणको निम्ति सबै क्षेत्रबाट आएको सहयोग महत्वपुर्ण रहेकोभन्दै उहाले सबैलाई सजक र सचेत रहन समेत आग्रह गर्नुभयो ।
बाहिरबाट आउनेहरु माथि उपमहानगरपालिकाले बिशेष निगरानी गरेकोभन्दै कोरोना संक्रमण हुन नदिन नियन्त्रणको प्रयास गरिएको उहाले बताउनुभयो ।
पत्रकार सम्मेलनमा बोल्दै अस्थायी कोरोना अस्पतालका प्रवक्तासमेत रहेका ईलाका प्रशासन कार्यालय सिमराका प्रमुख कृष्ण गैरेले गलत समाचार प्रशारण गरिएको बताउनुभयो । उहाले भन्नुभयो ‘त्यो गनले राम्रोसंग काम गरेको थियो । डा. पौडेलले केहि थर्मल गन बिग्रेको छ है भनेर भन्नुभएको थियो, त्यसैलाई टुईस्ट गरेर समाचार बनाईयो’ ।
डा. अनुष थाले थर्मल गन प्रयोगमा आफुहरुले लापरर्वाही नगरेको बताउनुभयो । उहाले बिग्रेको गनले वि।ामी चेक गर्नु भनेको हामीले आफ्नो जन समेत जोखिममा पार्नु भने कुरा प्रष्ट पार्दै क्वारेन्टाईनमा ३ वटा थर्मल रहेको मध्ये २ वटा बिग्रिए पनि एउटा पुर्ण संचालनमा रहेको कुरा जानकारी दिनुभयो ।
प्रतिक्रिया दिनुहोस