सुप्रिया ढकाल २०७८ भाद्र १६, बुधबार (२ साल अघि)
४८५ पाठक संख्या बारा । ‘दीगो पर्यटनका लागि हवाइ कनेक्टिभिटी’ भन्ने मूल नाराका साथ आजदेखी सिमरा पोखरा उडान सुरु हुदैछ । हवाई मार्गमार्फत जोडिन लागेको सिमरा पोखराको आज हुने पहिलो उडानको उद्धघाटन गण्डकि प्रदेशका पर्यटन मन्त्रि मणिभद्र शर्माले गर्नुहुने भएको छ । आन्तरिक पर्यटन प्रवद्र्धनका लागी अति महत्वपूर्ण मानिएको यस हवाई कनेक्टिभिटिको पहिलो उडान आज दिउसो १ः१५ बजे हुदैछ । बुद्ध एयरले सिमरा पोखरा उडानका लागी सम्झौता गरेको हो ।
पहिलो पटक १८ सिट क्षमताको बुद्ध एयरको जहाज १९०० डि पोखराबाट सिमरा आउन लागेको हो । उक्त विमानमा शर्मासहित पर्यटन सम्बद्ध संघसंस्था तथा सरोकारवालाहरुलाई सिमरा विमानस्थलको बिषिश्ट कक्षमा स्वागत गर्ने कार्यक्रम रहेको छ ।
स्वागतका लागी सिमरा विमानस्थलमा प्रदेश नम्बर २ का पर्यटन मन्त्रि रामनरेश रायसहित पर्यटनकर्मी, उद्योगीब्यवसायी समाजसेवी लगाएतको उपस्थिती रहनेछ । सिमरा पोखरा उडानका लागी फेयरका आधारमा ३ किसिमको टिकट दर राखिएको सिमरा बुद्ध एयर कार्यालयले जानकारी दिएको छ । टिकट दर ४ हजार ७ सय ७०, ५ हजार २ सय ७० र ७ हजार १ सय ७० रहनेछ । अहिले हप्तामा २ दिन आईतबार र बुधबार दिउसो १ः१५ बजे उडान भर्ने तालिका रहेपनि यात्रुको मागका आधारमा यो संख्या बढाउन वा घटउन सकिने बुद्ध एयरले जनाएको छ ।
पर्यटन र आर्थिक विकासको सम्भावना का सम्बन्धमा आन्तरीक तथा बाह्य पर्यटक ( भारतीय एवं तेस्रो मुलुकको पर्यटक समेत) का लागी प्रदेश २ को पर्सा राष्ट्रिय निकुञ्ज, एसियाकै धेरै बली चढ्ने चर्चित मन्दिर गढीमाई, ऐतिहासिक क्षेत्र सिम्रौनगढ, नेपालका चार धाममध्येको एक धाम जनकपुरधाम अर्थात् जानकी मन्दिर र सखडा भगवतीको मन्दिर राम्रो गन्तब्य हुन सक्छ ।
तर बर्तमान कोरोना माहामारीको परिप्रेक्षमा विश्वभरी नै पर्यटन ब्यवसाय सुस्ताएको छ । यस्तो समयमा थालिएको सिमरा पोखरा उडानले निरन्तरता पाउनेमा भने शंका ब्यक्त गर्न सकिन्छ । यद्धपी पहिलो पटक हवाई मार्गमार्फत सिमरा र पोखरा जोडिन लागेको अवस्थामा भावि दिनमा यसले शर्वसाधारण यात्रुहरुलाई समेत सहज हुनेछ ।
प्रतिक्रिया दिनुहोस