पथलैयाका युवाहरुले यस वर्षको श्री कृष्ण जन्माष्ठमी भब्य सांस्कृतिक कार्यक्रम गरी मनाउने भएका छन् । भाद्र ३ गते परेको श्री कृष्ण जन्माष्ठमी पथलैयाका युवाहरूले “श्री कृष्ण जात्रा २०७९” भब्यताका साथ आयोजना गरी मनाउन लागेका हुन् ।
प्रत्येक वर्ष आयोजना हुदैँ आएको यो जात्रा कोरोना कालको समयमा २ वर्ष आयोजना नभएपनि यस वर्ष आयोजना हुन लागेको आयोजक द योङ्ग नितीले जनाएको छ । यो कार्यक्रम नयाँ गोरेटो पथलैया, दिब्य ज्योती क्लब, श्री कृष्ण युवा क्लब पथलैया, युवा जागरण क्लब, लायन्स क्लब युथ अफ सिमराको सहयोगमा आयाजना हुन लागेको हो ।
कार्यक्रममा राष्ट्रिय स्तरका प्रसिद्ध कलाकारहरुले आफ्नो प्रदर्शन गर्ने जनाइएको छ । मुख्य आकर्षणको रुपमा राष्ट्रिय कलाकारहरु ¥यापर मिस्टर डि.(कल्याण आले), लोकप्रिय गायीका शोभा त्रीपाठी, विक्ड भिक्टीम नेपाल ब्याण्ड, द पनाम ब्याण्ड, द योङ्ग निती ब्याण्डका साथै आकर्षक नृत्य र स्थानिय कलाकारहरुको बेजोड प्रस्तुती रहने छ ।
श्री कृष्ण चौर पथलैयामा दिउसो ३ बजेबाट शुरु हुने यस संस्कृतीक कार्यक्रममा पथलैयाका साथै सिमरा, जितपुर, निजगढ, अम्लेखगंज, डुमरवाना आसपासका स्थानियहरुको उल्लेख्य सहभागीता रहने आयोजकले जनाएको छ ।
प्रतिक्रिया दिनुहोस