बाराको जीतपुरमा वडा अध्यक्ष सुनिल गुप्ता डोजर लिएर सरसफाई गर्ने अभियानमा लाग्नु भएको छ । जीतपुरसिमरा उपमहानगरपालिका वडा नम्बर ७ का वडा अध्यक्ष गुप्ताले नजिकिदै गरेको पर्वलाई लक्षित गरी सरसफाई कार्यलाई निरन्तरता दिनुभएको हो ।
जीतपुरमा रहेको अब्यवस्थित ट्राफिक ब्यवस्थापनका साथै बजारको सडक क्षेत्रमा लगाइएको झाप्रो हटाएर बजर सुन्दर बनाउने अभियानमा लाग्नुभएको छ । पर्वको समयमा बजार क्षेत्रमा किनमेल गर्ने सेवा ग्राहीलाई सहजता प्रदान गर्न र जीतपुर बजारको ब्यवसायलाई सकारात्मक रुपमा अगाडी बढाउन यो कार्य गरेको वडा अध्यक्ष गुप्ताले एपी खबरलाई जानकारी दिनुभएको छ ।
वडा अध्यक्ष गुप्ताले जथाभावी रुपमा राखिएको झुप्रोले बजारको ब्यापारमा असर पु¥याएको बताउदै भएकै संरचनालाई तत्काल प्रयोग गरेर ब्यवस्थापन गर्ने बताउनुभएको छ । जीतपुरसिमरा उपमहानगरपालिकाको कार्यालयले हालसम्म योजना संचालन गर्न कुनै किसिमको बजेट विनियोजीत नगरेको भएपनि आफ्नो एकल प्रयासबाट सरसफाई तथा विकासको काम गराइरहेको जानकारी दिनुभयो ।
उहाँले सडक तथा सार्वजनिक स्थानमा यस वडामा बनाइएको घरटहराको नक्सा पास गराएको प्रमाण ३५ दिन भित्र वडा कार्यालयमा ल्याउन सुचना जारी गरीसकेको जानकारी गराउदै ३५ दिन भित्र नक्सा पास नभएको र निर्माण कार्य जारी राखेका वा सडकमा पर्ने, सार्वजनिक स्थानमा निर्माण भएका संचारनाको बारेमा कडा कदम चाल्ने बताउनुभएको छ ।
प्रतिक्रिया दिनुहोस