जीतपुरसिमरा उपमहानगरपालिकाले जीतपुरको फोहर उठाउने टेक्टर विगत केहि दिनदेखि नआएपछि जीतपुरका स्थानियहरु आफैले सरसफाई गर्न बाध्य भएका छन् । बाराको जीतपुरसिमरा उपमहानगरपालिका वडा नम्बर ७ जीतपुरको मुख्य बजारमा नगरपालिकाका कारण फोहर नउठेपछि यहाँका स्थानियहरुले पालिकालाई बिरोध जनाउने तरीकाले आफैले सरसफाई गर्न बाध्य भएका हुन् ।
सम्बन्धित निकायले फोहर नउठाएकाले आफुहरुले फोहर उठाउन बाध्य भएको जीतपुरका नेता शिवजी साहले बताउनुभयो । उहाँले नेपालीहरुको महान पर्व दशैँको मुखमा जीतपुर बजारको सरसफाई नहुन दुखद भएकाले आफुहरुले यस्तो गरेको बताउनुभएको हो ।
यता जीतपुरसिमरा उपमहानगरपालिकाले विगत ३ महिनादेखि फोहर उठाउन कुनै चासो नदिएको र केहि दिनदेखि फोहर संकलन गर्ने टेक्टर र त्यसमा लागने तेल समेत नगरपालिकाले उपलब्ध नगराएकोले फोहर संकलन कार्य अवरोध भएको जीतपुरका वडा अध्यक्ष सुनिल गुप्ताले बताउनुभएको छ ।
जीतपुरसिमरा उपमहानगरपालिकाका नगर प्रमुख राजन पौडेलकै निर्देशनमा जीतपुरको फोहर उठाउने सवारी नआएको बताउदै वडा अध्यक्ष गुप्ताले मेयर पौडेल जीतपुरको ब्यपारलाई कमजोर बनाउने खेल खेलीरहेको बताउनुभयो ।
सरसफाई गर्ने कर्मचारीको तलब समेत ३ महिनादेखि नदिएको कारण उनिहरु काम गर्न नमाने उहाँको भनाई छ । जील्ला कै मुख्य ब्यापारीक केन्द्र जीतपुरको ब्यवसायलाई चौपट पार्ने योजना अनुसार मेयर राजन पौडेलले आफ्नो पटक पटकको आग्रह नमाने वडा अध्यक्ष गुप्ताले जानकारी दिनुभएको छ ।
प्रतिक्रिया दिनुहोस