काठमाडौं अभिनेता सलोन बस्नेतले ‘इम प्योर’ शीर्षकको सर्ट फिल्मबाट त्रिलोक इन्टरनेशनल फिल्मफेयर अवार्डमा उत्कृष्ट अभिनेताको अवार्ड पाएका छन् ।
जुन २६ का दिन भारतको तामिलनाडु राज्यको उटीमा आयोजित अवार्ड समारोहमा सलोन सर्ट फिल्म विधातर्फ उत्कृष्ट अभिनेता घोषित भएका हुन् ।
अष्ट्रेलियाको कम्पनीले निर्माण गरेको उक्त फिल्मलाई अनुप थापाले निर्देशन गरेका हुन् । यो फिल्ममा सलोनसँगै अभिनेत्री मेनुका प्रधान र रुविना थापाको पनि अभिनय रहेको छ ।
बाल कलाकारको रुपमा अभिनय यात्रा प्रारम्भ गरेका सलोनले होस्टेलबाट नेपाली फिल्ममा अभिनेताको रूपमा डेव्यु गरेका हुन् । उनले काम गर्ने हरेक फिल्मबाट अभिनयमा तारिफ पाएका छन् ।
अभिनेता सलोन बस्नेतको मुख्य भूमिका रहेको नयाँ फिल्म जय हो आगामी भदौ ८ गतेदेखि नेपाल तथा विदेशमा एकसाथ प्रदर्शनमा आउँदैछ ।
शोभित बस्नेत प्रस्तुतकर्ता रहेको यो फिल्मलाई टेक पौरखी राईले निर्देशन गरेका छन् ।
प्रतिक्रिया दिनुहोस